منتديات بدو ليبيا
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
يشرفنا تسجيلك معنا
شكرا
ادارة
المنتدي



 
الرئيسيةالتسجيلدخول
المواضيع الأخيرة
» حميد السعيطي غلا ونقص ومرجاه ...... وسمور هكذي قيس عمركن
الأربعاء أكتوبر 10, 2018 11:09 pm من طرف مانك اللي

» سجل حضورك بكلمة انجليزية
الأحد سبتمبر 09, 2018 12:38 am من طرف ahmad1

» أكثر العبارات الليبية التي حيرت العلماء!!
الأحد أغسطس 26, 2018 11:29 am من طرف ahmad1

» غناوي وشتاوي ع الدار صح الصح
الأحد أغسطس 26, 2018 11:24 am من طرف ahmad1

» شن تهدي اللي بعدك(غناوه اشتاوه)
الأربعاء أغسطس 01, 2018 12:06 am من طرف ahmad0

» كامل رصيدك و الا انسيت وجافي .
الثلاثاء يوليو 24, 2018 12:19 am من طرف الحبوني

» الجديد جديد والقديم قديم ومن الاخير
الثلاثاء يوليو 03, 2018 8:45 pm من طرف مراوي سمح الضاوي

» اروع الأصوات ...محمود الشحات انور
الجمعة يونيو 01, 2018 8:27 am من طرف sayidemam1

» اتصل بأى دولة فى العالم أو فى بلدك وجرب بنفسك
السبت مايو 12, 2018 6:56 pm من طرف sayidemam1

» هل تعلم ما هي فوائد الشعير المغلي لن تصدق؟
السبت فبراير 17, 2018 11:53 am من طرف elkhiat

» لو قرأت هذا الموضوع لن تدخن ابدا واتحداك
الجمعة فبراير 16, 2018 6:15 pm من طرف elkhiat

» شيبانى يكلم فى دكتورة عيون
الأربعاء يناير 17, 2018 7:49 am من طرف محمد الوفى1122a

» الله عبدالسلام دخين
الخميس يناير 11, 2018 1:11 pm من طرف الله عبدالسلام دخين

» قبيله البراعـــــــصه
الأحد ديسمبر 31, 2017 8:33 am من طرف عبد اللطيف محمد الشريف

» حال_الغايه
السبت ديسمبر 30, 2017 1:06 pm من طرف MALIK_STEITA

» لماذا هجرت بلدك
السبت ديسمبر 30, 2017 1:04 pm من طرف MALIK_STEITA

» حكايتي مع المنتدي
السبت ديسمبر 30, 2017 1:02 pm من طرف MALIK_STEITA

» شجرة بدو ليبيا ..
السبت ديسمبر 30, 2017 1:00 pm من طرف MALIK_STEITA

» فنجان قهوة بنكهة الاحرف (( المقهى الادبي ))
الأربعاء ديسمبر 20, 2017 7:18 am من طرف محمد الوفى1122a

» قصيدة اخباري (بوعياد) اهداء للأعضاء
الأربعاء ديسمبر 20, 2017 12:45 am من طرف محمد الوفى1122a


شاطر | 
 

 شعر الجهاد

اذهب الى الأسفل 
كاتب الموضوعرسالة
بطمة ادريس
نائب المدير
نائب المدير
avatar

ذكر عدد الرسائل : 3069
العمر : 32
العمل/الترفيه : ضابط شرطة
المزاج : رايق
رقم العضويه : 1167
نقاط تميز : 1000
نقاط : 80297
تاريخ التسجيل : 12/10/2011

الاضافات
ورقه شخصيه : 1
معلومات العضو : 2

مُساهمةموضوع: شعر الجهاد    الأربعاء ديسمبر 07, 2011 2:17 am

بسم الله الرحمن الرحيم
اقدم لكم قصيده من روائع الشعر الشعبي وهي حبس العقيلة او كما يحب ان يسميها البعض بقصيدة ما بي مرض اليكم قبل البداء في القصيده بعض ما قبل عنها وعن شاعرها وعن ما تحملها من معاني الصبر والجهاد ...
قيل فيها:

قصيدة كتبت بدماء شهدائنا الأبرار

كتبها نصف عدد سكان ليبيا أبان ذلك الوقت

كان تعدادنا مليون ونصف

قدمنا لحرية ليبيا سبعمائة وخمسون الألف شهيد

وقيل ايضنا:

هذه القصيدة كانت صورة صادقة عن رحلة عذاب عاشها الآباء والأجداد في وطن كان عبارة عن

معتقل كبير لاشيء فيه يسر ولا شئ فيه يطمئن .

ما بي مرض غير دار العقيلة .. هي القصيدة التي صورت معاناة شعب كان يفقد كل يوم رجاله ونساءه

وأطفاله .. وتنهش لحمه الأسلاك الشائكة في المعتقلات وتتغذى عليه آلة الدمار الاستعمارية ..

نبذة عن شاعر :
الشاعر الفقيه رجب احمد بوحويش المنفي

الشيخ احمد بوحويش من قبيلة المنفه جاء من قرية المنفه بمنطقة البطنان شرق مدينة طبرق
كان حاملا لكتاب الله وكان من وجاهاة قبيلة وهي نفس قبيلة الشيخ المجاهد عمر المختار وقد برع في كتابة الشعر الشعبي مات ودفن في مدينة بنغازي سنة 1950

مؤلفــ القصـيدة

يقول المجاهد إبراهيم الغمارى عن مناسبة تأليف هذه القصيدة الشعبية في كتابه من ذكريات معتقل

العقيلة الذي صدر عن مركز دراسات الجهاد الليبي ضد الغزو الإيطالي:

من داخل معتقل العقيلة التقيت بالمجاهدالفقيه رجب بوحويش الذي بادرني قائلاً :

- يا إبراهيم لقد مر بي خاطر ليلة البارحة فنظمت قصيدة إذ تجد ورقة وقلما أمليها عليك.

يضيف إبراهيم الغماري فذهبت إلى المكتب الخاص بسجون المعتقلات وكان الموظف به

يدعى / محمد المصدور وهو رفيقنا سابقا بالدور فطلبت منه ورقة وقلما وعندها رجعت إلى

الفقيه رجب الذي أخذ يملى علي قصيدته المشهورة :
مابي مرَضْ غير دار العقيلة.......وحبس القبيلة.....وبعد الجبا من بلاد الوصيله

مابي مرض غير حد المكاد...وشوية الزاد....وريحة اللي مجبّرة بالسواد
الحمرة اللي وين صار العناد...عناتهاطويلة...لها وصف ماعاد تاجد مثيله

مابي مرض غير واجد مرايف ...والحالصايف....علي عَكْرمَة والعَدَم والسّقايف
وحومة لفاوات عزّ العطايف ....حتي وهي مْحِله...تربِّي المهازيل جلَّه خويله

مرايف علي عكرمة والسراتي...اللي هن مناتي...نشكرن ان كام طلتهن في حياتي
عليّ وين يخطرن ننسي اوقاتي...دمعي نهِله...زواعب علي لحيتي سال سيله

مابي مرض غير مطري الحرابي...خيرة اصحابي... الضرابين والكوغط ينابي
ركابين كل حمره دعابي....الطايحتشيله...نضيده رفاقاه قبلوا جميله

مابي مرض غير فقد الرجال....وفنية المال...وحبسة نساوينا والعيال
والفارس اللي كان يقدع المال...نهارة جفيله...طايع لهم كيف طوع الحليله

طايع لهم كيف طوع الوليه ...ان كانت خطيه...نرمي الطاعه صباح وعشيه
نشيل في الوسخ والحطب والمويه...معيشة ذليله...مفيت ربنا يفزع يفك الوحيله

طايع لهم كيف طوع الوصيف...نسيت الوظيف....بعد بقيتي كنت ظاري عفيف
نصبِّي بلا حيل عندي خفيف...نشيل التقيلة...نزازي مزازة من زين حيله

مابي مرض غير فقد الغوالي...أسياد المتالي...سما العضادات فوق العوالي
راحو حساب شي تافه قبالي...ولا لقيت حيله...نشالشبها نين راحو دقيلة

مابي مرض غير طولة لجالي....وضيعةدلالي...وفقدة أجاويد هم راس مالي
يونس اللي كيف صوت الهلالي...كرسي القبيله...امحمد وعبدالكريم العزيله
وبوحسين سمح الوجاب الموالي...والعود ومثيله...راحو بلا يوم ذايب ثقيله

مابي مرض غير فقد الصغار...اسياد العشار...اللي لقطوا كيف تمر النهار
الضرابين للعايب صدار...نواوير عيله...ماينطروا بقول ناسا ذليله

مابي مرض غير شغل الطريق...وحالي رقيق...ونروح وماطاق البيت ريق
وسواطنا قبال النسا في الفريق...وقبينا زطيله...ماطاقنا عود يشعل فتيله

مابي مرض غير ضرب الصبايا ...وجلودهن عرايا...ولا يقعدن يوم ساعة هنايا
ولايختشو من بنات السمايا...بقول يارزيله...وعيب قبح مايرتضي للعويله

مابي مرض غير غيبة افكاري...وبينة غراري...وفقدة ضنا السيد خيوة مطاري
موسى وجبريل سمح السهاري...اسياد الخويله...ماينطروا بقول داروا عويله

مابي مرض غير طولة ريافي...ووثقة كتافي..وصبري بلاكسب ميل الشعافي
وتلايس اللي ع السوايا يكافي..خيار القبيله...عشا للجوارين يحموا كحيله

مابي مرض غير بعد العماله ...وحبس الرزاله...وقلة اللي م الخطا ينشكي له
وغيبة اللي يحكموا بالعداله...النّصْفَه قليله...والباطل علي الحق واخذ الميله

مابي مرض غير خدمة بناتي...وقلة هناتي...وفقدة اللي من تريسي مواتي
ووخذة غزير النصي بوعتاتي...العايز مثيله...يهضوذن علي القلب ساعه جفيله

مابي مرض غير فقدة نواجع ...ونا مانراجع...واللي لفّهن لاجفا لامواجع
ولا ينظروا غير حكم الفواجع... وريقة طويله...ولسان مرشّرّ من ضرب الثقيله

مابي مرض غير قل المحامي...ولينة كلامي...وهينة اجاويد روس ومسامي
وريحة اللي خايله باللجامي ...غريمة الهميله...منقودة التناسيب نقدة الرِّله

مابي مرض غير سمع السّوايا...ومنع الغوايا..وفقدة اللي قبل كانوا سمايا
وبط النساوين طرحي عريا..بسبله قليله...يديروا لهن جرم مافيه قيله

مابي مرض غير قول اضربوهن...ولاتصنعوهن...وبالسيف في شئ خدموهم
ومقعد مع ناس مانعرفوهم...حياةً عوشله..الاَّ مغير ماعاد باليد حيله

مابي مرض غير زمط العلايل..وديما نخايل...علي خيلنا والغلم والشوايل
وخدمة بلا قوت والسوط عايل...معيشة رزيله...علي اثر الدّباويش جوا للعويله

مابي مرض غير فقد الملاح...ودولة القباح...اللي وجوهم نكب واخري صحاح
وكم طفل عصران م السوط ذاح...حاير دليله...يانويرتي صاف من دون جيله

مابي مرض غير كسر الخواطر...ودموعي قواطر....مادونهن من يساطر
الراعي معقل جمال القناطر...فحولة كحيله...وطالق قعادين فوق الخويله

مابي مرض غير حبس المسامي...وميحة ايامي...و"كابو"علي ضرب لجلود دامي
يصبي يناديك بلسان حامي...ولغوة هزيله...تخاف يعدمك قبل لاتشتكي له
وشوخة ردي لصل شَوَّت منامي...حتي وهو عزِيله..يبيعك علي شان حاجة قليله

مابي مرض غير فوت الحدود... ووقاف سود...وشبردق ملوي علي راس عود
لاحيل لاقادرة لاجهود ...لشيل الثقيله...زاهدين في العمر لوجا وكيله

مابي مرض غير برمة افلاكي...وهلبة املاكي...وضيق دار واشونقاعد متاكي
الفارس اللي كان يوم الدعاكي...ذرا للعويله...يساسي ورا قرد مقطوع ذيله
وكل يوم م الظلم نا ننوض شاكلي...ونفسي ذليله...وكيف المرا مانفك العقيله

مابي مرض غير ميلة زماني...وقصرة لساني...ومانحمل العيب والعيب جاني
وتريسي اللي قبل بيهم نقاني...جمال العديله...ثقال روزهم يوم ذايب ثقيله
علي اثر ياسهم روجتي من مكاني...ليله طويله...ظلامها غطا ضي قاز الفتيله

مابي مرض غير فقدة بلادي... وشي من اريادي...نواجع غرب في خيوط السعادي
طالب الكريم اللي عليه اعتمادي ...يعجل بشيله...قبل لايفوتن ثلاثين ليله

الدايم الله راح راعي المجمم....طغي ضي ظَلَّم...العاصي علي طول مايوم سلَّم
لولا الخطر فيه بيش نتكلم...ونعرف نشيله...ونعرف نبين ثناه وجميله

اللهم اغفر للمجاهدين

مع تحياتي
بطمة ادريس


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
ابن ادريس
≈ * ≈
≈   *  ≈
avatar

ذكر عدد الرسائل : 1854
العمر : 27
العمل/الترفيه : عمل حر
المزاج : رايق
رقم العضويه : 1166
نقاط : 35522
تاريخ التسجيل : 13/11/2011

الاضافات
ورقه شخصيه : 1
معلومات العضو : 6

مُساهمةموضوع: رد: شعر الجهاد    الأربعاء ديسمبر 07, 2011 10:46 am

بارك الله فيك
احسنت
تقبل مروري
شكرررررررررا
تحياتي


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]  [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

                                                                                           [ندعوك للتسجيل في المنتدى أو التعريف بنفسك لمعاينة هذه الصورة]    المشرف[ندعوك للتسجيل في المنتدى أو التعريف بنفسك لمعاينة هذه الصورة]
                                                                                                     ابن ادريس



     ابـــــــــــــــــــــــــــــــــــــــــــــن [ندعوك للتسجيل في المنتدى أو التعريف بنفسك لمعاينة هذه الصورة] ادريـــــــــــــــــــــــــــــــــــــــــــــــس
الرجوع الى أعلى الصفحة اذهب الى الأسفل
بطمة ادريس
نائب المدير
نائب المدير
avatar

ذكر عدد الرسائل : 3069
العمر : 32
العمل/الترفيه : ضابط شرطة
المزاج : رايق
رقم العضويه : 1167
نقاط تميز : 1000
نقاط : 80297
تاريخ التسجيل : 12/10/2011

الاضافات
ورقه شخصيه : 1
معلومات العضو : 2

مُساهمةموضوع: رد: شعر الجهاد    الخميس ديسمبر 08, 2011 1:52 am

شكرررررررررررا
على مرورررررك
تحياتي




[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
الأســـد
¤ô§ô¤
¤ô§ô¤
avatar

ذكر عدد الرسائل : 1815
العمر : 40
العمل/الترفيه : طير حر
المزاج : رايق
رقم العضويه : 1180
نقاط تميز : 2000
نقاط : 142278
تاريخ التسجيل : 17/10/2011

الاضافات
ورقه شخصيه : 1
معلومات العضو : 2

مُساهمةموضوع: رد: شعر الجهاد    الخميس ديسمبر 08, 2011 2:28 am

مشكور على الطرح والكلام الزين

بارك الله فيك

احسنت


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
بطمة ادريس
نائب المدير
نائب المدير
avatar

ذكر عدد الرسائل : 3069
العمر : 32
العمل/الترفيه : ضابط شرطة
المزاج : رايق
رقم العضويه : 1167
نقاط تميز : 1000
نقاط : 80297
تاريخ التسجيل : 12/10/2011

الاضافات
ورقه شخصيه : 1
معلومات العضو : 2

مُساهمةموضوع: رد: شعر الجهاد    الخميس ديسمبر 08, 2011 9:47 pm

شكرررررررررررا
على مرورررررك
تحياتي




[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
شعر الجهاد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بدو ليبيا :: ~*¤®§(*§ التراث الليبي §*)§®¤*~ˆ°-
انتقل الى: